Wↄn a yԑyԑ wↄn nnwuma no wↄ nkrataasԑm ho ahiadeԑ ahodoↄ ahodoↄ. Sԑdeԑ ԑbԑyԑ a yԑbԑtumi anya bammↄ nhyehyԑeԑ mapa a yԑnam so bԑgye wↄn nsԑm a ԑyԑ kokoamusԑm na yԑwie a yԑbԑtumi de adwuma a ԑdi mu pa ara ama wↄn nti, yԑdi amansan ntotoeԑ ho nhyehyԑeԑ ahodoↄ so.

Sԑdeԑ ԑbԑyԑ a yԑbԑtumi akↄ so ayԑ ↄyↄnkoↄ a wobԑtumi de wo ho ato yԑn so nti, abenfoↄ a wↄwↄ adwuma yi mu ne akuo a wↄdi dwuma ankasa no yԑ adwuma bom ma wↄn a yԑyԑ wↄn adwuma no nsa ka anoyie a edi mu wↄ ↄhaw a ԑsi wↄn ani so ho.

Sԑ adwumakuo bi pԑ sԑ ↄno ara trԑ ne ntaban mu kↄ wiase afaanan nyinaa a, ԑwↄ sԑ ↄtumi hunu sԑdeԑ aman a ↄpԑ sԑ ↄkↄ so no nyinaa kasa ne wↄn amammerԑ teԑ. Wotumi hunu sԑ ԑnyԑ adeԑ a yei bԑyԑ yie wↄ adwumasԑm mu. Mmom, woba SunFlare a, yԑwↄ abenfoↄ wↄ ↄkasa bԑyԑ 90 mu a wↄsan nim amammerԑ a ԑwↄ baabi a yԑde saa ↄkasa ahodoↄ yi di dwuma no. Wↄbԑtumi ama wↄn a yԑyԑ wↄn adwuma no nsa aka mmoa a wↄhia wↄ wↄn adwumayԑ mu a ԑbԑma wↄn adi nkunim wↄ amansan adwumayԑ mu, wↄ berԑpa mu nso. Yԑn abenfoↄ no wↄ nimdeԑ a emu dↄ yie wↄ dwumadie pↄtee biara ho, a wↄwↄ ↄkasa ho nimdeԑ tatahwe nso a wↄde pia no, a ԑboa yԑn ma yԑtumi di dwuma a ԑho twa, ntԑm so, wↄ nkrataa a ԑhia nimdeԑ mapa bi te sԑ, mmara mu nkrataasԑm, nwomasua nkrataa ne nhyehyԑeԑ ho adesrԑ nsԑm ho.